پی پی 169 میں پارٹی کے 58ویں یوم تاسیس اور مقامی حکومت کے انتخابات پر استقبالیہ کا انعقاد
افراز نقوی اور حسن عباس کی زیرصدارت پنجاب میں مقامی حکومت کے انتخابات کی حکمت عملی پر اجلاس
پاکستان پیپلز پارٹی کے سینئر نائب صدر حلقہ پی پی 169 سید افراز نقوی اور پاکستان پیپلز پارٹی کے رہنما سید حسن عباس کی جانب سے ایک استقبالیہ کا اہتمام کیا گیا جس میں پنجاب میں آئندہ ہونے والے مقامی حکومت کے انتخابات اور پاکستان پیپلز پارٹی کے 58ویں یوم تاسیس پر تفصیلی بات چیت کی گئی۔
اس تقریب میں پارٹی کے مقامی رہنماؤں اور کارکنوں نے شرکت کی۔ تقریب میں شریک ہونے والوں میں طاہر جعفری، ظفر چوہدری، لالہ فاروق، نبیل کاظمی ,رانا اشہر, شہباز درانی, منصور قریشی،لالہ سرور, راؤ وقار
ذوالفقار علی شاہ، ظفر نقوی، حارث فیاض، عابد اقبال، ایاز ساجد، عابد علی، غلام مرتضیٰ,زہیب بخاری
اور حلقہ پی پی 169 سے تعلق رکھنے والے پاکستان پیپلز پارٹی کے متعدد کارکن شامل تھے۔
اجلاس میں پنجاب میں ہونے والے مقامی حکومت کے انتخابات کے لیے پارٹی کی حکمت عملی پر تفصیل سے گفتگو کی گئی۔ رہنماؤں نے انتخابی تیاریوں، عوامی رابطے اور پارٹی کی تنظیمی مہم پر زور دیا۔
سید افراز نقوی اور سید حسن عباس نے اس موقع پر پاکستان پیپلز پارٹی کی 58 سالہ جدوجہد اور عوام کی خدمت کے عزم کو یاد کرتے ہوئے کہا کہ پارٹی ہمیشہ عوام کے حقوق کے لیے کھڑی رہی ہے۔
موقع پر موجود رہنماؤں نے پارٹی کارکنوں کو آئندہ انتخابات میں بھرپور حصہ لینے اور عوام تک پارٹی کا پیغام پہنچانے کی تلقین کی۔ انہوں نے کہا کہ مقامی حکومت کے انتخابات عوام کی زندگیوں میں بہتری لانے کا ایک اہم موقع ہیں۔
تقریب میں شرکاء نے پارٹی کے بانی ذوالفقار علی بھٹو شہید اور محترمہ بے نظیر بھٹو شہید کو خراج تحسین پیش کیا اور ان کے مشن کو آگے بڑھانے کا عہد کیا.
صدر آصف علی زرداری پاکستان کی سیاست میں ایک تجربہ کار اور بااثر شخصیت ہیں۔ انہوں نے مشکل ترین حالات میں ملک کی قیادت کی اور جمہوری اقدار کو برقرار رکھنے کے لیے اہم کردار ادا کیا۔ ان کی سیاسی دانشمندی اور حکمت عملی نے پاکستان کو کئی بحرانوں سے نکالنے میں مدد کی۔
بلاول بھٹو زرداری نے حالیہ برسوں میں پاکستان کے ایک اہم قومی رہنما کے طور پر اپنی شناخت بنائی ہے۔ انہوں نے بین الاقوامی سطح پر پاکستان کے مقدمے کو نہایت مؤثر انداز میں پیش کیا ہے اور ملک کی مثبت تصویر دنیا کے سامنے پیش کرنے میں اہم کردار ادا کیا ہے۔
No comments yet.