سانحہ کارساز اور شہید بے نظیر بھٹو کا خون رنگ لائے گا، زرداری کا ویژن درست ثابت ہوا: فیصل میر
سانحہ کارساز اور شہید بے نظیر بھٹو کا خون رنگ لائے گا، زرداری کا ویژن درست ثابت ہوا: فیصل میر
سانحہ کارساز اور شہید بے نظیر بھٹو کا خون رنگ لائے گا، زرداری کا ویژن درست ثابت ہوا: فیصل میر
پاکستان پیپلز پارٹی کے رہنما فیصل میر نے کہا ہے کہ جنرل پرویز مشرف نے جن طالبان کے ذریعے سانحہ کارساز کو انجام دیا اور بعد میں محترمہ بے نظیر بھٹو شہید کو شہید کروایا، ان طالبان کو صدر آصف علی زرداری نے اقتدار میں آنے کے بعد افغانستان میں واپس دھکیل دیا تھا۔ فیصل میر نے مزید کہا کہ آج پاک فوج جو افغانستان اور طالبان کے خلاف جنگ لڑ رہی ہے، یہ اس بات کا واضح ثبوت ہے کہ شہید محترمہ بے نظیر بھٹو، صدر آصف علی زرداری اور چیئرمن بلاول بھٹو زرداری کا ویژن بالکل درست تھا۔
انہوں نے کہا کہ انشاء اللہ سانحہ کارساز اور شہید محترمہ بے نظیر بھٹو کا خون ضرور رنگ لائے گا۔ فیصل میر نے بتایا کہ آج لاہور میں سانحہ کارساز کے شہدا کو خراج عقیدت پیش کیا گیا، اس موقع پر پیپلز پارٹی کے راہنماؤں مجید غوری، سبط حسن، خرم فاروق اور شہباز درانی نے بھی اپنے خیالات کا اظہار کیا۔ اس تقریب کے دوران سانحہ کارساز کے حوالے سے کاشف گجر صاحب کا تیار کردہ ترانہ بھی پیش کیا گیا۔
No comments yet.