صدر مملکت کا خیبرپختونخوا میں کامیاب آپریشنز پر سکیورٹی فورسز کو خراجِ تحسین
پاکستان بھارتی سرپرستی میں ہونے والی دہشت گردی کے خاتمے کیلئے پرعزم ہے، صدر مملکت
اسلام آباد: صدر مملکت آصف علی زرداری نے خیبرپختونخوا میں سکیورٹی فورسز کی حالیہ کامیاب کارروائیوں پر انہیں خراجِ تحسین پیش کیا ہے۔ ان آپریشنز کے دوران بھارتی سرپرستی میں چلنے والے فتنہ الخوارج کے انیس دہشت گرد مارے گئے۔
صدر نے کہا کہ مسلح افواج کی جرات اور پیشہ ورانہ صلاحیت قوم کے تحفظ کی ضامن ہیں۔ انہوں نے واضح کیا کہ پاکستان بھارتی پراکسی دہشت گردی کے مکمل خاتمے کے لیے پرعزم ہے اور اس مقصد کے حصول تک جدوجہد جاری رکھی جائے گی۔
صدر مملکت نے دہشت گردی کے مکمل خاتمے کے عزم کا اعادہ کرتے ہوئے سکیورٹی فورسز کی سلامتی اور آئندہ کامیابی کے لیے دعا بھی کی۔
No comments yet.