راولپنڈی اسٹیڈیم سے چیمپئنز ٹرافی کے میچز کی میزبانی چھن جانے کا امکان ہے۔

ذرائع کے مطابق چیمپئنز ٹرافی کے میچز کی چار وینیوز سے براڈکاسٹنگ مشکل قرار دیدی گئی، براڈکاسٹرز نے چار کے بجائے تین وینیوز پر میچز کرانے کا کہہ دیا۔ چوتھے وینیو کے لئے لاجسٹک مسائل پیدا ہونگے اور اخراجات بھی بڑھیں گے۔

ذرائع کے مطابق کراچی، لاہور اور دبئی وینیوز کو ٹرافی کے میچز کے لئے فائنل کیا جا رہا ہے، راولپنڈی اسٹیڈیم سے میچز کی میزبانی چھین جانے کا امکان ہے۔

واضح رہے کہ چیمپئنز  ٹرافی کے شیڈول کا اعلان آج متوقع ہے۔ پاکستان اور بھارت کے کرکٹ بورڈز فیوژن فارمولے پر راضی ہو گئے۔ گیند اب آئی سی سی کے کورٹ میں ہے ۔ تمام معاملات کو معاہدے کی شکل دے کر دستخط کرائے جائیں گے۔

فارمولے کے تحت روایتی حریف تین سال تک ایک دوسرے کے ملک میں نہیں کھیلیں گے۔ پاکستان بھی 2027 تک بھارت میں شیڈول ایونٹس کے میچز نیوٹرل وینیو پر کھیلے گا۔