کاشغر: سنکیانگ کے نائب گورنر نی ژوانگ نے صدرِ پاکستان آصف علی زرداری کے اعزاز میں ایک شاندار عشائیہ دیا۔

صدر زرداری نے پرتپاک میزبانی پر شکریہ ادا کرتے ہوئے کہا کہ چینی شہروں کی ترقی انتہائی متاثر کن ہے اور چینی عوام کی گرم جوشی مجھے مثبت توانائی فراہم کرتی ہے۔ انہوں نے صدر شی جن پنگ کی وژنری قیادت کو خراجِ تحسین پیش کیا۔

اس موقع پر نی ژوانگ نے کہا کہ کاشغر اور پاکستان کے عوام صدیوں پرانے تاریخی رشتے میں جڑے ہیں۔ انہوں نے مزید کہا کہ کاشغر پاکستان کے ساتھ تجارت، ثقافت اور عوامی تبادلوں کو مزید فروغ دینا چاہتا ہے۔

عشائیے میں سینیٹر سلیم مانڈوی والا، پاکستان اور چین کے سفراء سمیت اعلیٰ حکام نے بھی شرکت کی۔